Қордың миссиясы Қазақстан Республикасының ұлттық әл-ауқатын арттыру және болашақ ұрпақ үшін ұзақмерзімді тұрақтылықты қамтамасыз ету болып табылады.
Жоғары қаржылық көрсеткіштерді, инвестициялардан түсетін кірісті және өзінің активтер портфелін жетекші тәуелсіз әл-ауқат қорлар деңгейінде дамытуды қамтамасыз ететін инвестициялық холдинг.
Қордың басты мақсаттарының бірі - тиімділік көрсеткіштерін ұқсас әлемдік жетекші компаниялардың көрсеткіштерімен теңестіру есебінен қоржынды компанияларды тиімді басқару. Қаржылық тұрақтылықты нығайту, операциялық тиімділікті және өндірістік активтерді пайдалану тиімділігін арттыру, сондай-ақ Трансформациялау бағдарламасын іске асыру аталған стратегиялық мақсатқа қол жеткізудің бірінші кезектегі міндеті болып табылады.
Қор активтер қоржыны мен инвестициялық жобаларды оңтайландыруды және қайта құрылымдауды, сондай-ақ Қазақстан Республикасының аумағында және ұзақ мерзімді перспективада шетелдік нарықтарда қаражатты қайта инвестициялау есебінен қоржынды әртараптандыруды қамтамасыз етуді жоспарлап отыр.
Қазақстан Республикасының Үкіметі бастамашылық еткен Жекешелендіру бағдарламасына белсенді қатысу Қордың қоржынды компанияларына Қазақстан экономикасына мемлекеттік сектордың қатысуын төмендетуге, қор нарықтарын дамытуды ынталандыруға, корпоративтік басқаруды күшейтуге, сондай-ақ жеке капиталды дамытуға мүмкіндік береді.
Қордың басты мақсаттарының бірі Қор компаниялары қызметінің тұрақты даму қағидаттарына сәйкестігін, сондай-ақ тұрақты даму және ұзақ мерзімді перспективада экономикалық құнды қалыптастыру үшін экономикалық, экологиялық және әлеуметтік мақсаттарының тұрақты даму мақсаттарымен сәйкестігін қамтамасыз ету болып табылады.
Қор корпоративтік басқаруда жоғары деңгейге қол жеткізуді жалғастыруды, кадрлық әлеуетті жақсартуды, өзінің қоржынды компанияларында меритократияның қағидаттарын енгізуді жоспарлап отыр.
Сонымен қатар жаңа стратегия аясында әлеуметтік маңызды бастамаларды іске асырудың жолдары қарастырылады.
Қазақстан Республикасындағы инвестициялар
Қор инвестицияларды Қазақстан экономикасының әртүрлі секторларын дамыту және Қазақстан экономикасы үшін стратегиялық маңызы бар жобаларды (негізгі мемлекеттік бағдарламаларға сәйкес) дамыту мақсатында Қазақстан Республикасының заңнамалық актілерімен белгіленген және жекеменшік сектордың дамуына кедергі келтірмейтін, "сары парақтар" қағидатымен белгіленген шектеулерді ескере отырып, Қазақстан Республикасы шегінде жүзеге асырады.Қазақстан Республикасының шегінен тыс инвестициялар
Қорды дамыту стратегиясы ұзақмерзімді қаржылық тұрақтылық үшін кірісті әртараптандыру және инвестициялардан жоғары қаржылық кіріс алу мақсатында инвестицияларды ортамерзімді және ұзақмерзімді басымдықта Қазақстан Республикасынан тыс бөлуді қарастырады. Қор жетекші тәуелсіз қорлармен және инвестициялық компаниялармен Қазақстанның өнеркәсіп салаларымен стратегиялық түрде сабақтасқан бірлескен тікелей инвестицияларды жүзеге асыру үшін әріптестік қатынас орнатады.Корпоративтік басқару
Қор тиімді басқаруды қамтамасыз ету, инвестициялық тартымдылықты арттыру және белсенді инвестор функциясын сәтті орындау мақсатында Қор компаниялары тобында Экономикалық ынтымақтастық және даму ұйымының (ЭЫДҰ) корпоративтік басқару жөніндегі ұсынымдарына сәйкес корпоративтік басқарудың озық тәжірибесін енгізуді жалғастыру қажет.Адам капиталын дамыту
Мықты корпоративтік мәдениетті қалыптастыру, меритократияның қағидаттарын енгізу, адамдардың трансформациялануы, "коммерциялық" ойлау мен өзгерістерге дайын болу үшін қызметкерлердің жаңа тәртіп модельдерін енгізу арқылы Қордың компаниялар тобында персоналды дамыту бойынша ең үздік тәжірибелердің қолданылуын қамтамасыз етеді.Демеушілік қызмет және әлеуметтік жауапкершілік
Қор демеушілік және қайырымдылық көмек көрсетуді жалғастырады. Көмектің бөлінуі қоғам қажеттілігіне қарай қайта қарастырылуы және басымдық берілуі керек. Қор үздік тәжірибелерге сүйеніп, денсаулық сақтау, білім беру салаларындағы, жастарды кәсіби тұрғыда дамыту, қоғамды дамыту, қоршаған ортаны қорғау саласындағы жобаларды, өнер мен мәдени мұра, зерттеу, инновациялар, ғылым мен технологиялар, халықтың әлжуаз тобына қолдау көрсету бойынша әлеуметтік жобалар қаржыландырады.Тұрақты даму бастамалары
Қор қызметтің экономикалық, экологиялық және әлеуметтік аспектілерін тиімді және сәтті басқару мақсатында жоғары этикалық стандарттарды ендіреді және сенімге негізделген корпоративті мәдениетті қалыптастырады, корпоративті басқаруды жетілдіреді, қаржылық тұрақтылықты қамтамасыз етеді, адами капиталға инвестиция салады, экологиялық тұрақтылықты қамтамасыз ету бойынша барлық шараларды қабылдайды.
