Сегменттер бойынша түсім
| Көрсеткіш, млрд теңге | 2023 | 2024 |
|---|---|---|
| Шикі мұнай сату | 4 615 | 4 671 |
| Мұнай өнімдерін сату | 2 680 | 2 592 |
| Теміржол жүк тасымалы | 1 678 | 1 870 |
| Уран өнімдерін сату | 1 391 | 1 715 |
| Тазартылған алтынды сату | 813 | 1 260 |
| Газ өңдеу өнімдерін сату | 987 | 1 091 |
| Телекоммуникациялық қызметтер | 669 | 732 |
| Электр кешені | 449 | 595 |
| Мұнай және газ тасымалдау | 320 | 385 |
| Алыс-беріс мұнайды өңдеу | 248 | 259 |
| Электр энергиясын тасымалдау | 197 | 237 |
| Жолаушыларды теміржол тасымалы | 106 | 115 |
| Әуе тасымалы | 549 | 78 |
| Пошта қызметтері | 32 | 35 |
| Өзге де кірістер | 563 | 651 |
| Жалгерлік кіріс | 88 | 98 |
| Пайыздық табыс | 49 | 49 |
| 15 434 | 16 433 |
Сегменттер бойынша түсімнің өсуі сыртқы және ішкі жағдайлардың әсерінен туындайды.
2024 жылы мұнай секторында мұнай экспорты көлемінің өсуі байқалды, ол Brent маркалы мұнай бағасының 2023 жылы баррель үшін 82,64 доллардан баррель үшін 80,76 долларға дейін төмендеуін өтеді. Мұнай өнімдерін сату бағаларының төмендеуі қайта өңдеу көлемінің төмендеуі нәтижесінде болды. Теміржол жүк тасымалы тарифтердің, бағамдық айырмашылықтардың және жүк вагондары паркімен операциялардан түсетін кірістердің ұлғаюына байланысты өсті. Газ өңдеу өнімдерін сатудың өсуі 2023 жылдың ортасынан бастап енгізілген ірі кәсіпорындар үшін сату көлемінің және жаңа баға санатының өсуінің арқасында үлкен көлемдер есебінен және ҚР ішкі нарығынан Қытайға экспорттан түсетін кірістердің ұлғаюына байланысты, бұдан басқа, өсім газға көтерме бағаның 2024 жылдың екінші жартыжылдығынан бастап орта есеппен 14,6%-ға өсуімен байланысты. Табиғи уранның спот бағасының өсуіне байланысты уран өнімдерінің сатылымы 2023 жылмен салыстырғанда орташа сату бағасының 27%-ға (55,09 АҚШ долларына қарсы 69,72 АҚШ доллары) өсуі есебінен жоғарлады.
Мұнай мен газды тасымалдау құбырлар мен теңіз жолдары арқылы мұнай тасымалдау көлемінің ұлғаюына байланысты өсті. Электр энергетикасындағы өсім 2024 жылдың қаңтарынан бастап тарифтердің өсуіне байланысты. Тазартылған алтынды сату түсімінің өсуі алтын бағасының қымбаттауына және құрамында алтын бар шикізатты жеткізу сұранысқа ие болғандықтан сату көлемінің ұлғаюымен байланысты. 2024 жылғы 9 ақпанда IPO өткізу және Қордың меншік үлесінің 51%-дан 41%-ға дейін төмендеуі салдарынан «Эйр Астана» АҚ Қор компаниялары тобынан шығуына байланысты тек «Qazaq Air» АҚ қызметі бойынша көрсеткіштердің көрсетілуі есебінен 2024 жылы әуе тасымалы сегменті көрсеткіштері төмендеді.
Пошта қызметтері бойынша түсімнің өсуі негізінен сәлемдемелер көлемінің ұлғаюына, сондай-ақ жүк тасымалынан және кеден өкілдігінің қызметтерін ұсынудан түсетін кірістер есебінен қосымша өсуіне байланысты болады.