Қордың кредиттік рейтингтері
Жетекші халықаралық рейтингтік агенттіктерден рейтингтер алу Қордың кредиттік қабілеттілігін тәуелсіз және негізделген бағалау болып табылады. Агенттіктер мұқият бағалау үшін барлық қажетті ақпаратқа қол жеткізе алады. Сонымен бірге олар Қордың индустрияландыру мен қаржылық тұрақтылыққа бағытталған Қазақстан экономикасындағы маңызды рөлін атап көрсетеді.
2024 жылдың 17 қазанында S&P Global Ratings рейтингтік агенттігі «Самұрық-Қазына» АҚ рейтингі бойынша «тұрақты» болжамын растады және Қордың ұзақ мерзімді және қысқа мерзімді рейтингтерін «ВВВ-» деңгейінде растады.
2024 жылдың 11 қыркүйегінде Moody's «Самұрық-Қазына» АҚ рейтингін Baa1 деңгейінде растады, болжамы - «тұрақты» болды.
2024 жылдың 18 қарашасында Fitch «Самұрық- Қазына» АҚ рейтингтерін «BBB» деңгейінде растады, болжам «тұрақты» болды.
РЕЙТИНГТІК АГЕНТТІК 2024 ЖЫЛ
Қордың қаржылық нәтижелері 2024 жылдың 31 желтоқсанында аяқталған 12 айдағы деректерге негізделген және алдыңғы екі жылдағы деректермен салыстырылған. Төменде Қор тобы қызметінің шоғырландырылған көрсеткіштерін көрсететін қаржылық ақпаратты қамтитын кесте берілген.
ҚОР ТОБЫНЫҢ ҚЫЗМЕТ КӨРСЕТКІШТЕРІ
| Көрсеткіш | 202310 | 2024 |
|---|---|---|
| Шоғырландырылған түсім, млрд теңге (мемлекеттік субсидияларды қоспағанда) | 15 434 | 16 433 |
| Активтер, млрд теңге | 36 925 | 41 100 |
| Меншікті капитал, млрд теңге | 21 740 | 25 593 |
| Акционердің үлесіне шоғырландырылған таза пайда, млрд теңге | 1 699 | 2 354 |
| EBITDA, млрд теңге | 4 488 | 4 905 |
| EBITDA Margin (%) | 29 | 30 |
2024 жылы шоғырландырылған түсім сомасы 16,4 трлн теңгені құрады, бұл 2023 жылмен салыстырғанда 1,0 трлн теңгеге немесе 6%-ға артық. Көптеген сегменттерде 2024 жылы өткен жылмен салыстырғанда түсімнің өсуі байқалады, атап айтқанда: шикі мұнайды сату (+56 млрд теңге), жүк теміржол тасымалы (+192 млрд теңге), уран өнімдерін сату (+324 млрд теңге), тазартылған алтынды сату (448 млрд теңге), газ өңдеу өнімдерін сату (+103 млрд теңге), телекоммуникация қызметтері (+64 млрд теңге), электр кешені (+146 млрд теңге) мұнай мен газды тасымалдау (+65 млрд теңге), алыс-беріс мұнайын қайта өңдеу (+10 млрд теңге), электр энергиясын тасымалдау (+40 млрд теңге), жолаушылар темір жол тасымалы (+9 млрд теңге), пошта қызметі (+3 млрд теңге).
2024 жылғы 31 желтоқсандағы жағдай бойынша Қордың шоғырландырылған активтері 2023 жылмен салыстырғанда 4,2 трлн теңгеге немесе 11%-ға өсіп, 41,1 трлн теңгені құрады. 2024 жылға Қор ҚР бюджетіне 2 086 млрд теңге сомасында салықтар мен төлемдер төледі. 2024 жылғы жалпы және әкімшілік шығыстар 567,4 млрд теңгені құрады.
Қордың борышы және EBITDA, млрд теңге (шоғырландырылған)
2024 жылдың соңында Қарыз/EBITDA қатынасы 1,92 болды, бұл қарыздың EBITDA өсімінен жоғары өсу қарқынына байланысты. 2024 жылы шоғырландырылған қарыз 9 402 млрд теңгені құрады.
БОРЫШ ПЕН EBITDA, (ШОҒЫРЛАНДЫРЫЛҒАН)
млрд теңге
