Қордағы қызмет

Құрметті достар!

Егер сіз осы бетті ашқан болсаңыз, демек Қорда қызмет етуге қызығушылық танытқандығыңыз деп білеміз. Не болмаса, біздің жұмысқа жария түрде қабылдайтындығымыз, адам ресурстарын басқару мен таланттарды жетілдіруге арналған жүйеміздің қалай жұмыс істейтіндігі туралы ақпаратпен танысқыңыз келеді. 

Бәлкім, Сізді біздегі корпоративтік мәдениет немесе өзгерістерге ұмтылған бейімділік рухымыз және компанияларымыздағы трансформациялар қызықтыратын болар. Тіпті, бұл бетке басқа себептермен не кездейсоқ тап болсаңыз да, сайтқа қош келдіңіздер дейміз! Өзіңіз үшін пайдалы немесе қызықты ақпарат тапқан болсаңыз, біз оған қуаныштымыз.

Бұл сайт ең алдымен үміткерлерді қызметке алу шарттарымен, бос орындардың ерекшеліктерімен және жарияланған лауазымдарға өтінім беру мүмкіндігін ұсыну үшін құрылған.

Сонымен қатар, «Самұрық-Қазына» Қорына қабылданған адамдармен жұмыс істеу саласындағы саясат туралы, сондай-ақ, бастамалар мен жобалар туралы ақпарат беруге тырысамыз. Бұл Сіздерге құндылықтарымызды, мәдениетіміз бен бізде қалыптасқан ахуалды терең түсінуге көмектеседі деп үміттенеміз. Сіздерді бастамаларымызға атсалысуға және өз үлестеріңізді қосуға шақырамыз.

Ол үшін бар болғаны, бос жұмыс орындарымен танысып, өзіңіздің ондағы талаптарға қаншалықты сәйкес келетіндігіңізді салыстыру және өтінім беру қажет. Бұл шара қалай жүзеге асатындығын төмендегі видеодан қараңыз:  

Іріктеудің бірнеше кезеңінен тұратын ашық түрде жүргізілетін жұмысқа қабылдау рәсімдерімен танысқаныңыз өте маңызды. Мүмкін, Сізге кейбір кезеңдер артық және коммерциялық ұйымға жұмысқа қабылдаудың әдеттегі шеңберінен шығады деп есептейтін боларсыз. Алайда, біз – әлеуметтік тұрғыдан жауапты компаниямыз. Сондықтан да, негізгі стейкхолдерлеріміз болып табылатын Қазақстан азаматтарының үмітін ақтап, олардың талаптарына сай болуға ұмтыламыз. Ал ол әлемдегі кез келген ұйым қызметінің негізгі қағидаларына – тұрақты даму қағидаларының сақталуына ықпал етеді және бұл біздің негізгі басымдықтарымыздың бірі.

Жаңа ұйымдық құрылымға өту жобасы

«Самұрық-Қазына» Қоры трансформациялау шеңберінде халықаралық табысты ұйымдардың нақты үлгілерінің негізінде стратегияны, бизнес модельді, ұйымдық құрылымды толықтай қайта қарады. Қордың жаңа бизнес моделі бекітілді, яғни, белсенді инвестициялық қызметке, активтер қоржынын басқару мен оңтайландыруға баса назар аударылды. Стратегиялық және коммерциялық бөлімдер күшейтіліп, мониторинг және қолдау бөлімдері толығымен қайта ұйымдастырылды.

Сонымен қатар, біз ұқсас үлгідегі жетекші қорлардың қызметін зерделеу негізінде 2 мыңнан аса ішкі үдерістерді және біліктілік талаптарын қайта қарадық.

Жаңа бизнес модельді және қайта қаралған үдерістерді ескере отырып, жаңа ұйымдық құрылым әзірленді және оған өту жобасы басталып та кетті. Қорда жоқ біліктіліктерге жұмысқа қабылдау ашық түрде жүргізіледі. Бос орындар туралы ақпарат осы сайтта жарияланады. 

Бос орындар туралы ақпарат түсінікті әрі ыңғайлы болуы үшін бизнес модельде бөлімнің атауына сәйкес тиісті бөлімдерге орналастырылған. Әр бөлім бойынша бөлімнің жалпы көрінісіне және негізгі мақсаттарына қысқаша түсіндірме берілген.




«Самұрық-Қазына» Қорының келбеті