Тең мүмкіндіктер жасаймыз
Біз барлық жұмыскерлеріміз үшін тең мүмкіндіктерге ықпал ететін инклюзивті және құрметті жұмыс ортасын құруды қолдаймыз.
Қор тобында 2024 жылдың аяғында 263 942 адам жұмыс істейді (есепті кезеңнің 31 желтоқсандағы жағдай бойынша орташа тізімдік саны), оның 97% тұрақты негізде жұмыспен қамтылған. Соңғы төрт жылда Қорда жұмыскерлер санында айтарлықтай өзгерістер болған жоқ. Жұмыскерлердің ең көп саны көлік-логистика секторына (51%) және мұнай-газ секторына (24%) тиесілі.
Біздің портфельдік компаниялардың өндірістік қызметінің ерекшелігі ерлердің дәстүрлі басымдығына әкеледі, 2024 жылы жұмыскерлер құрылымындағы ерлер үлесі 74%-ды, әйелдер үлесі 26%-ды құрады.
Жалақының өсуі мәселесінде Қорда гендерлік белгісі бойынша кемсітушілік жоқ, ал жұмыскердің сыйақысының ұлғаюы тиісті лауазым жалақысының ауқымына байланысты.
Белсенді ақпараттандыру саясаты қолданылады және кемсітушілік жағдайлары тіркелген жағдайда түзету шаралары қабылданады.
Біз әйелдерді кәсіби жолдың түрлі кезеңдерінде - ана болуға, жұмыс пен жеке өмірдің арасындағы теңгерімге байланысты мәселелерді қоса алғанда, қолдауға бағытталған шараларды іске асырудамыз.
2024 жылы 6 633 әйел мен 544 ер адам күтімі бойынша декреттік демалыс рәсімдеді. Ана/әке болу демалысы аяқталғаннан кейін Қорда жұмыс істеуді жалғастырған жұмыскерлер саны 3 521 адамды құрады.
Қор Тобының барлық жұмыскерлерінің Қазақстан Республикасының заңнамасына сәйкес жүктілігі және босануы бойынша немесе бала күтімі бойынша демалысқа құқығы бар.
Қор мүмкіндігі шектеулі адамдар үшін тең мүмкіндіктер жасауға бағытталған инклюзивтілік саясатын белсенді іске асыруда. Бүгінде бізде мүмкіндігі шектеулі 3 007 адам жұмыс істейді, олардың ішінде ең көбі Маңғыстау облысында (433 адам). Қордың QSamruk.kz бос жұмыс орындары платформасында мүмкіндігі шектеулі адамдар (мүгедектігі бар адамдар) үшін бос орындар орналастырылған арнайы бөлім бар.
