Қаржылық нәтижелер және тұрақты өсу
Біз ел экономикасының дамуы осыған байланысты екенін түсініп, қаржылық тұрақтылықты сақтауға ұмтыламыз.
Есепті кезеңнің қорытындылары бойынша Қор тобының қаржылық тұрақтылық көрсеткіштерінің жақсарғаны байқалуда, ал Қордың мемлекет атына төлемдері өсу серпінін көрсетеді.
2024 жылдың соңында активтердің құны 41,1 трлн теңгені құрады (2023 жылы – 36,9 трлн теңге).
Кіріс 7%-ға өсіп, 18 трлн теңгеге жетті (2023 жылы 17,1 трлн теңге).
2024 жылы мемлекет 57,5 млрд теңге (2023 жылы 61 млрд теңге) көлемінде субсидия төленді.
2024 жылдың соңындағы жағдай бойынша Борыш/EBITDA көрсеткіші 2023 жылмен салыстырғанда 1,92 деңгейіне дейін ұлғайды, бұл EBITDA өсімінен асатын қарыздың ұлғаю қарқынына негізделген.
Құрылған және бөлінген тікелей экономикалық құн, млрд теңге
| Көрсеткіш | 2021 | 2022 | 2023 | 2024 |
|---|---|---|---|---|
| Құрылған тікелей экономикалық құн | ||||
| Жиынтық кірістер | 13 179 | 16 703 | 17 198 | 18 470 |
| Бөлінген экономикалық құн | ||||
| Жиынтық шығындар | -10 083 | -13 275 | -14 947 | -15 405 |
| Операциялық шығындар | -7 181 | -9 308 | -9 335 | -9 864 |
| Қызметкерлерге төленетін жалақы және басқа төлемдер мен жеңілдіктер | -1 242 | -1 634 | -1 992 | -2 231 |
| Капитал жеткізушілеріне төлемдер | -794 | -1 071 | -2 212 | -1 683 |
| Мемлекетке төлемдер | -799 | -1 129 | -1 270 | -1 310 |
| Жергілікті қауымдастықтарға инвестициялар | -68 | -132 | -138 | -317 |
| Бөлінбеген экономикалық құн | ||||
| 3 095 | 3 428 | 2 251 | 3 065 | |
2024 жылы біз қаржылық әсерімізді дәлірек көрсету үшін бөлінбеген экономикалық құнды есептеу әдістемесін жаңарттық.
Біздің тұрақты қаржылық нәтижелеріміз несиелік рейтингтермен расталады:
Болжам «Тұрақты»
Болжам «Тұрақты»
Болжам «Тұрақты» деңгейінде
Дивидендтер және бюджетке төленетін басқа да төлемдер
2024 жылы Қор мемлекетке шамамен 1 355 млрд теңге бағыттады. Бұл соманың ішінде:
- 737 млрд теңге дивиденд ретінде төленді (2023 жылы – 1 269 млрд теңге);
- 568 млрд теңге әлеуметтік және инфрақұрылымдық жобаларды қаржыландыруға бағытталды;
- 50 млрд теңге «Қазақстан халқына» қоғамдық қорына аударылды.
Мемлекеттік кәсіпорын бола отырып, біз Қазақстан Республикасының Үкіметі белгілеген түрлі салықтар мен алымдарды төлейміз. 2024 жылы біз 2 086 млрд теңге сомасына салық төледік, бұл мемлекеттік бюджетке түсетін барлық салық түсімдерінің шамамен 17%-ын құрайды.
ҚР мемлекетіне төлемдер, млрд теңге
| Атауы | 2021 | 2022 | 2023 | 2024 |
|---|---|---|---|---|
| Дивидендтер | 88 | 174 | 1 269 | 737 |
| Акционерге өзге де бөлу | 68 | 132 | 133 | 568 |
| ҚР бюджетіне төленген салықтар | 1 167 | 1 696 | 1 993 | 2 086 |
| Өзгелері | 0,6 | 0,1 | 67 | 50 |
| Жиыны | 1 324 | 1 999 | 3 461 | 3 441 |
Қор салық төлеу мәселелерінде мөлдірлік пен ашықтықты арттыруда. 2024 жылдан бастап Топ жұмыс істейтін бірқатар елдерде салық базасының әлсіреуін болдырмауға бағытталған шаралардың халықаралық кешені болып табылатын Pillar Two ережелері күшіне енді. Осы ереже Қордың барлық Тобына қолданылады.
Қор осы ережені енгізу мәртебесін қадағалауға белсенді тартылған, талап етілетін есептеулерді жүргізеді және тиісінше есеп дайындайды. Бұл үдерісте жаңа талаптарға сәйкестікті қамтамасыз етуде Салық салу секторы маңызды рөл атқарады.
Біз Pillar Two ережелеріне байланысты жауапкершіліктің жоғары деңгейін түсінеміз және және оларды тиісінше орындау үшін бар күшімізді саламыз.