Тұрақты даму мәселелерін басқару

Қордағы тұрақты даму мәселелерін басқару жүйесі Корпоративтік басқару жүйесіне біріктірілген, соның арқасында бұл мәселелер жоғары басқару органынан бастап атқарушы органдар мен құрылымдық бөлімшелердің басшыларына дейін барлық деңгейлерде қаралады.

Тұрақты даму аспектілерін басқару құрылымы

Қордың Директорлар кеңесі экологиялық және әлеуметтік аспектілерді қамтитын ұзақ мерзімді стратегиялық жоспарларды қарайды және бекітеді, сондай-ақ Қордың тұрақты дамуы жөніндегі есептерді қарайды және бекітеді.

Директорлар кеңесі барлық мүдделі тұлғалармен, соның ішінде Жалғыз акционермен және басқармамен тікелей не Қорда қабылданған ресми коммуникациялар арналары арқылы өзара іс-қимыл жасайды. Даму жоспарын (стратегиясын) орындауға байланысты мәселелерді, оның ішінде тұрақты даму аспектілерін Директорлар кеңесі жылына бір рет қарайды.

Басқарма Қордың операциялық қызметіне басшылықты жүзеге асырады, экономикалық мәселелерді, сондай-ақ тұрақты даму мәселелерін шешеді, стратегияны іске асыруға жауапты болады. Басқарма тоқсан сайын Директорлар кеңесіне Қор қызметінің нәтижелері туралы есеп береді. Тұрақты даму саласындағы жұмысқа тартылған бейінді бөлімшелер басқарма алдында есеп береді.

Қордағы тұрақты даму мәселелерін басқару Стратегия мен активтерді басқару жөніндегі Басқарушы директордың өкілеттік саласына жатады. Уәкілетті тұлға тұрақты даму саласындағы саясаттарды/стандарттарды әзірлеуді, жетілдіруді және енгізуді, сондай-ақ тұрақты даму және ұзақ мерзімді пайдаға қол жеткізу жөніндегі жұмыстардың орындалуын бақылауды және мониторингті қамтамасыз етеді.

2024 жылға арналған Корпоративтік басқару, әлеуметтік-еңбек қатынастары және еңбекті қорғау жөніндегі басқарушы директордың функционалдық тиімділігіне әлеуметтік тұрақтылықты жақсарту, өндірістік жарақаттану деңгейін төмендету (LTIFR), өндірістік қауіпсіздік саласындағы стратегияны әзірлеу, «Самұрық-Қазына» АҚ тобының Директорлар кеңестері мен компаниялардың бақылау кеңестері құрамындағы әйелдердің үлесін арттыру сияқты көрсеткіштер енгізілді.

Тұрақты даму саласындағы рейтингтер

Біз тұрақты даму саласында үздік халықаралық стандарттар мен тәжірибелерді енгізуге ұмтыламыз. Осындай тәжірибелердің бірі тәуелсіз халықаралық рейтингтік агенттіктер жүргізетін ESG-критерийлері бойынша портфельдік компанияларды бағалау болды. Бұл ESG-аспектілерін басқарудағы прогресті өлшеудің және растаудың тәуелсіз құралы.

Біздің стратегиялық мақсатымыз - 2032 жылға қарай "ESG-рейтинг" көрсеткіштері бойынша 70% перцентильге кіру (аралық мақсаттармен: 2025 жылға қарай 40%-ға және 2028 жылға қарай 60% перцентильге кіру).

Портфельдік компаниялар Қазақстан компаниялары арасында да, өз салаларында әлемдік аренада да халықаралық ESG-рейтингтерінде басым түрде оң нәтижелер көрсетуде.

Портфельдік компаниялар 2024 жылы ESG рейтингтерінде келесі нәтижелерді көрсетті:

Портфельдік компаниялар 2024 жылы ESG рейтингтерінде келесі нәтижелерді көрсетті: (в т.ч. Sustainalytics, S&P Global «S&P Global ESG Score 2024», MSCI, Sustainable Fitch):

2024 жылғы ESG рейтингтерінің нәтижелері ESG-қағидаларын стратегия мен бизнес- процестерге бірігуін көрсетеді.