Қор басшылығы ЕҚҚДБ басқарушы директоры және Тұрақты инфрақұрылым тобының жаһандық директоры Нандита Паршадпен және ЕҚҚДБ-ның Қазақстандағы басшысы Хусейн Өзханмен кездесті.

Тараптар электр энергетикасы саласындағы жобалар, атап айтқанда «Батыс Қазақстан энергожүйесін ҚР БЭЖ-імен біріктіру» жобасы бойынша одан әрі ынтымақтастық мәселелерін талқылады.

Кездесу барысында Қор басшысы Нұрлан Жақыпов Қор мен оның портфельдік компаниялары ЕҚҚДБ-мен ұзақ жылдары бойы ынтымақтасып келе жатқандығын атап өтті және одан әрі жемісті ынтымақтастыққа ниетті екенін жеткізді.

ЕҚҚДБ бұған дейін KEGOC және QazaqGaz компанияларының бірқатар жобаларына, сондай-ақ шетелдік әріптестермен бірлесе іске асырылатын жаңартылатын энергетика бойынша жобаларға қатысуға қызығушылық танытқан болатын.