«Standard'Poor&s» халықаралық рейтинг агенттігі «Қазақтелеком» АҚ кредиттік рейтингін растады және кредиттік рейтингі бойынша болжамын «Позитивтіден» «Тұрақтыға» қайта қарастырды.

2015 жылғы 16 ақпанда Standard'Poors халықаралық рейтинг агентті (бұдан әрі- Агенттік) «Қазақтелеком» АҚ кредиттік рейтингін «BB» деңгейінде растады және эмитенттің ұзақмерзімді рейтингі бойынша «Позитивтіден» «Тұрақтыға» болжамын өзгертті. «Қазақтелеком» АҚ рейтингі ұлттық шкала бойынша «kzA+» деңгейінде сақталған.

Рейтингттерді растауға «Қазақтелеком» АҚ менеджмент және корпоративтік басқару сапасының бағалауының жақсаруы себеп болған. Сонымен қатар, Агенттік аналитиктері ұялы байланыс сегментінде бизнесті дамытуға нақтыланған және алдын ала болжанған стратегиясын атап өтті. Нәтижесінде «Қазақтелеком» АҚ меншікті кредиттік қабілеттілігі рейтингі «bb-» бастап «bb» дейін артқан.

Болжамды қайта қарастырудың негізгі себебі ретінде Агенттік Қазақстанның ұзақмерзімді кредиттік тәуелсіз рейтингінің «ВВВ+» бастап «Негативті» болжамымен «ВВВ» дейін төмендеуін атап отыр.