Астана қаласында 2015 жылғы 16 маусымда «Самұрық-Қазына» жылжымайтын мүлік қоры» АҚ ғимаратының 3-қабатындағы мәжіліс залында (Орынбор көшесі, 10) «Самұрық-Қазына» АҚ Трансформациясы: проблемалар және оларды іске асыру жолдары» атты тақырыпта «Эксперт» клубының отырысы өткізілді.

Мемлекет басшысының «Қазақстан-2050» стратегиясы»: қалыптасқан мемлекеттің жаңа саяси бағыты» атты Жолдауында ел алдына 2050 жылға қарай әлемнің ең дамыған 30 мемлекетінің қатарына кіру міндетін қойды.

Бірінші кезектегі міндеттердің бірі ретінде қойылған мақсатқа қол жеткізу үшін экономикадағы инвестициялар көлемін ұлғайту және еңбек өнімділігін арттыру қажет. Осыған байланысты «Самұрық-Қазына» АҚ (бұдан әрі - Қор) өз қызметінің және бақылайтын қоржынды компаниялары қызметінің ауқымды өзгерістер бағдарламасын («Самұрық-Қазына» ұлттық әл-ауқат қоры» АҚ Трансформациялау бағдарламасы») (бұдан әрі - Бағдарлама) әзірледі. 2014 жылдың 6 қазанында Мемлекет басшысы «Самұрық-Қазына» компаниялары тобының трансформация бағдарламасын ресми бастап бергені баршаңызға мәлім.

Қазіргі уақытта «Самұрық-Қазына» АҚ қолдауымен «Самұрық-Қазына» АҚ барлық еншілес компанияларында Трансформациялау бағдарламасы іске асырылуда. Атап айтқанда, Қор бизнес-процестерді және Қор компаниялары тобы қоржынының құрылымын инвестициялауға, оңтайландыруға көзқарасты өзгертуге ниет білдіріп отыр. Осы мақсаттарға қол жеткізу үшін бірқатар нақты бастамаларды енгізу ғана емес, сонымен бірге Қордың және оның қоржынды компанияларының жұмысына қатысатын барлық мүдделі тараптардың ойлау түрі мен мінез-құлық нормаларын өзгертуді талап етеді.

Бизнесті трансформациялау деген не? Трансформациялау бағдарламасы не үшін керек? Қордың еншілес компанияларында Трансформациялау бағдарламасын енгізу үшін қандай алғышарттар болды? Қордың еншілес компанияларында Трансформациялау бағдарламасы қалай іске асырылатын болады? Компанияның қызметкерлеріне қалай әсерін тигізеді? Трансформацияның компаниялардың ағымдағы жұмыс процесінен айырмашылығы неде? Біз осы бағдарламаның нәтижесінен не аламыз? Осы және басқа да сұрақтарды клубтың жетекшісі Нұрлан Ерімбетов шақырылған сарапшыларға талқылауды ұсынды. Туындап отырған мәселелердің бәрі мемлекеттік органдар, ұлттық компаниялар, қоғамдық ұйымдардың өкілдерін, кәсіпкерлерді, сарапшыларды тарта отырып пікірталас алаңында егжей-тегжейлі түсіндіруді және кеңінен талқылауды талап етеді.

«Эксперт» клубы 2011 жылы құрылды және республикада болып жатқан аса маңызды проблемалар мен әлеуметтік-экономикалық процестерді талқылау үшін «Самұрық-Қазына» АҚ ақпараттық-талдамалық алаңы болып табылады. Клуб жұмысының қағидаттары – ашықтық, құзыреттілік, қасақана еместік, шындықты іздеу, жақындасу және тоқтамға келу.