Астана қаласында «KEGOC» АҚ бизнесті трансформациялау бағдарламасы іске қосылды. Бұл салтанатты рәсімге «Самұрық-Қазына» АҚ Басқарма төрағасы Өмірзақ Шөкеев, «KEGOC» АҚ Басқарма төрағасы Бақытжан Қажиев қатысты.

«KEGOC» АҚ трансформация бағдарламасы барлық бизнес-процестерді оңтайландыруды, компания қызметінің тиімділігін арттыруды, сонымен қатар үнемі жұмысты жетілдіріп отыруды қарапайым корпоративтік нормаға айналдыруды қамтиды.

 «Үкіметтің болжамдарына сәйкес трансформациялау бағдарламасының басты міндеті «Самұрық-Қазына» АҚ компаниялары тобының тиімділігі мен өнімділігін жуық арадағы 5 жылда 30-40%-ға арттыру, сонымен қатар олардың құнын көтеру болып табылады.

Компания қаншалықты маңызды болса, оны трансформациялау сәттілігі еліміз үшін соншалықты маңызды болып табылады. «KEGOC» АҚ – бұл еліміз үшін стратегиялық, өмірлік маңызы зор компания, мәнісі бойынша – оның күретамыры» - деді Өмірзақ Шөкеев өз сөзінде.

 Іс-шараға қатысушылар алдында Бақытжан Қажиев Трансформациялау бағдарламасы компанияны іштен шолуға, инвестициялық және операциялық қызмет тиімділігі көрсеткіштерін бағалауға және бұдан әрі арттыруға мүмкіндік беретінін атап өтті.

Трансформациялау бағдарламасын іске асыру «KEGOC» компаниясының даму орнықтылығын қамтамасыз етуге, ішкі және сыртқы факторлардың ықтимал өзгерістеріне қарай әрекет ету жылдамдығын арттыруға мүмкіндік береді, сонымен қатар компания қызметкерлерінің мотивациясын сырттай арттыруға, олардың кәсіби және жеке әлеуетін ашуға көмектесетін болады.

Анықтама үшін: 2014 жылғы 6 қазанда Мемлекет басшысы бастаған «Самұрық-Қазына» АҚ Трансформациялау бағдарламасы қазіргі уақытта мынадай ұлттық компанияларды қамтиды: «Қазпочта» АҚ, «Қазақстан Темір Жолы» ҰК» АҚ, «Қазатомпром» ҰАК» АҚ, «Самұрық-Энерго» АҚ, «Қазмұнайгаз» ҰК» АҚ, «Самұрық-Қазына» АҚ корпоративтік орталығы, «KEGOC» АҚ. «KEGOC» АҚ ҚР Біртұтас электр энергетикалық жүйесінің жүйелік операторы қызметін атқарады, Ұлттық электр энергетикалық торабының (ҰЭТ) активтерін иеленеді және басқарады. Негізгі қызмет түрлері табиғи монополиялар саласына жатады. Компанияның балансында ҰЭТ-ты құрайтын кернеуі 35-1 150 кВ, ұзындығы шамамен 24 565 мың км электр жеткізу желісі және трансформаторларының белгіленген қуаты 36 355 МВА 77 қосалқы электр станциялары бар. Компанияда 4 700-ден астам адам жұмыс істейді.