«Самұрық-Қазына» АҚ «Жаңа адамдар» жобасын ұсынады. Онда ортақ өршіл мақсатқа жету жолында жұмыс істеуге даяр Қордың жаңа қызметкерлері өз таңдаулары туралы айтады. Аталған жоба «Самұрық-Қазына» АҚ құқықтық сүйемелдеу департаментінің аға заңгері,  халықаралық тәжірибесі бар маман  – Айнаш Әлпейісованың әңгімесінен басталады.

Мен заңгерлер әулетінің ұрпағымын, заңгерлік – ата-бабамыздан жалғасып келе жатқан кәсіп. Менің әкем – заңгер, менің аталарым да өте білімді жандар. Мен бала кезімнен құқықтануға қызығатынмын, ол жайында бізде кітаптар да өте көп еді. Мен құқықтану саласы бойынша ең жақсы білім алғым келді. Кеңес Одағы ыдыраған кезде бізге көптеген батыс кітаптары келіп түсе бастады. Сол кезде мен ол уақытта Қазақстанда мүлдем болмаған Карнеги, Напалеон Хилл сынды авторлардың адам санасына әсер ететін кітаптарын оқи бастадым. Бұл кітаптарда көптеген деректер жазылатын, мысалы «мына адамдар Гарвардты бітірген» деп көрсетіліп тұратын. Сол кезде мен Америка президенттерінің көбісі дерлік оқыған осы мектепке менің де баруым керек деген шешім қабылдадым.

Кейін мен мектепті тәмамдап, ҚазМУ-ге оқуға түстім. ҚазМУ-дің заң факультетіне өттім. Бірақ  Гарвардта оқысам ғой деген арманымнан қол үзбедім. ҚазМУ-ді бітірген соң құжаттарымды тапсырдым, бір қызығы бұл Болашақ бағдарламасы бойынша емес еді, университетке арманым туралы өзім жазған болатынмын, олар мені оқуға қабылдады. Бұл жоғары оқу орны өте қымбат. Өзім қарапайым отбасынан болғандықтан әртүрлі қорларға жүгіне бастадым. Қаржыландыру көзін табу үшін оқуға түсуді бір жылға шегере тұруға тура келді. Содан осы  стипендияларға қол жеткіздім. Сөйтіп Гарвард маған өз грантын берді.  Гарвардқа барып, оқуды ойдағыдай аяқтадым.  Бұл өзі негізінен бала кездегі арманым еді, сол арманыма қол жеткіздім.

Төрт жылдан астам Америка Құрама Штаттарында қызмет еттім. Уақыт өте келе осындай білім мен тәжірибеммен өз еліме де пайда тигізе алатынымды түсіндім. Қазір менің бұл компанияларды бүкіл Қазақстанның игілігі үшін заманауи бизнес компаниялар деңгейіне көтеретін трансформациялану процесінің бір бөлігі болып, өз үлесімді қосуға мүмкіндігім бар.

Қазіргі уақытта өте қызықты жобалар жүзеге асырылуда. Мен одан әрі де қызығырақ болады деп ойлаймын...