Мұхтар Манкеев облыс әкімдігі ұйымдастырған әлеуметтік әріптестік пен әлеуметтік және еңбек қатынастарын реттеу жөніндегі өңірлік үшжақты комиссияның отырысына қатысты. 

Облыс әкімі Серікбай Тұрымов, «ҚазМұнайГаз» АҚ Басқарма төрағасы Алик Айдарбаев және «Самұрық-Қазына» АҚ  корпоративтік басқару және әлеуметтік-еңбек қатынастары жөніндегі басқарушы директоры Мұхтар Манкеевтың қатысумен өткен  жиында өңірде орын алып жатқан әлеуметтік келеңсіздіктер мен қордаланған мәселелер талқыланып, шешу жолдары да қарастырылды.  

Жиыннан кейін «Маңғыстаумұнайгаз», «Өзенмұнайгаз», «Қаражанбасмұнай» компанияларының жетекшілері жыл басынан бері атқарылған жұмыстар туралы есеп берді.  
«Самұрық-Қазына» АҚ басқарушы директоры өз кезегінде өндіріс тұрақты жұмыс істеп тұру үшін, сондай-ақ, азаматтардың денсаулығы үшін бірінші кезекте қызметкерлер жаппай екпе алу керектігін айтты. Сондай-ақ Мұхтар Манкеев қазіргі таңда Қордың күн тәртібіндегі басты тақырып әлеуметтік- еңбек мәселелер екенін атап өтті.