Бүгін «Самұрық-Қазына» АҚ-ның басшылығы Қазақстандағы Венгрия елшісі Отто Иван Ронамен кездесті.

Қордың басшысы жаңа Даму стратегиясы, Қордың басым жобалары туралы және Қазақстандық делегацияның ағымдағы жылғы қыркүйекте Будапештке сапары шеңберінде, Венгрия Атом энергиясы агенттігі, СІМ және Энергетика министрлігінің өкілдерімен, сондай-ақ «Пакш» атом электр станциясының басшылығымен кездесулерінің қорытындылары туралы әңгімеледі.

Тараптар атом энергиясын бейбіт мақсатта пайдалану аясында, қазақстандық кадрларды даярлау және оқыту мәселелерін талқылады.

Сондай-ақ инвестициялық ынтымақтастықты дамыту перспективалары мен Қордың алдағы 8-9 желтоқсанда өткізілетін Қазақстан-Венгрия экономикалық ынтымақтастығы жөніндегі үкіметаралық комиссияның 8-ші отырысына қатысу мәселелері талқыланды.