Бүгін Қазақстан-Германия бизнес-форумы аясында «Самұрық-Қазына» қорының Басқарма төрағасы Нұрлан Жақыпов Deutsche Bahn AG халықаралық даму жөніндегі директоры, «DB Engineering & Consulting GmbH» компаниясының бас директоры Нико Варбаноффпен кездесу өткізді.

Тараптар жолаушылар тасымалы және көлік-логистикалық кешенді дамыту саласындағы ынтымақтастық мәселелерін, сондай-ақ көлік және логистика саласындағы одан әрі бірлескен қызметтің перспективаларын талқылады.

Германия Президентінің Қазақстанға мемлекеттік сапары аясында ҚТЖ мен DB Engineering & Consulting GmbH (Deutsche Bahn еншілес компаниясы) арасында Жолаушылар тасымалы және көлік-логистика саласындағы әріптестікті дамыту туралы келісімге қол қойылды, оның мәні жолаушылар тасымалының тиімділігін арттыру және ҚТЖ-ны ұлттық көлік-логистика компаниясына айналдыру процесінде қолдау болып табылады.

*** Deutsche Bahn AG - неміс теміржол операторы. Deutsche Bahn AG компаниясының еуропа континентінің теміржол жүйелерін шоғырландыру стратегиясы аясында, өткен жылдар ішінде DB тобы Батыс және Орталық Еуропаның теміржол желілерінің ең ірі операторы бола алды.