Бүгін Қор басшылығы Қазақстандағы ЭксонМобил басқарушы директоры Сесиль Ролинмен кездесу өткізді. Тараптар Теңіз, Солтүстік Каспий жобаларының іске асырылу барысын және Каспий құбыр консорциумын пайдалану мәселелерін талқылады. Сондай-ақ «QazaqGaz» ҰК» АҚ-мен бірлесіп, газ саласындағы ынтымақтастықты дамыту перспективалары талқыланды.

«ЭксонМобил – біздің бұрыннан келе жатқан сенімді серіктесіміз, еліміздің мұнай-газ саласындағы ірі инвесторлардың бірі. «Самұрық-Қазына»қоры ЭксонМобилдің үлесін жоғары бағалап, ынтымақтастықты одан әрі нығайтуға өзінің адалдығын білдіреді», - деп атап өтті Нұрлан Жақыпов.

Анықтама үшін: «ЭксонМобил» - энергетика және мұнай-химия өнеркәсібі секторында көшбасшы орын алатын ірі халықаралық мұнай-газ компаниясы. Компания Қазақстанда өз қызметін 1993 жылы бастады, Республикадағы мұнай жобаларына алғашқы ірі инвесторлардың бірі болды. Компанияның: • Теңіз кен орнын игеретін «Теңізшевройл» ЖШС-ға қатысу үлесі - 25%; • Қашаған кен орнын қамтитын Солтүстік Каспий бойынша Өнімді бөлу туралы келісім шеңберінде - 16,81%; • Каспий құбыр консорциумында - 7,5%.