Келіссөздер барысында Eni Қазақстанның мұнай-газ және энергетика салаларында бұрыннан келе жатқан сенімді стратегиялық серіктесі екені атап өтілді.

Тараптар Қазақстандағы Eni компаниясының қызметі жөнінде талқылап, Қашаған және Қарашығанақ кен орындарында өндіріс көлемін ұлғайтудың маңызын атап өтті.
Сондай-ақ, жаңартылатын энергия көздері бойынша жобалар талқыланды.

Анықтама үшін: «Eni» - әлемнің 80-нен астам елінде өкілдігі бар ірі италиялық мұнай-газ компаниясы. Қазақстанда 1992 жылдан бері жұмыс істейді. Осы жылдар ішінде компания ел экономикасына 16 млрд. доллардан астам инвестиция құйған. Қазақстан Eni портфеліндегі мұнай және газ өндіру деңгейі бойынша негізгі бес елдің қатарына кіреді (тәулігіне шамамен 170 мың мбб).
Компания иелігінде:
*Қашаған кен орнын қамтитын Солтүстік Каспий бойынша өнімді бөлісу туралы келісім шеңберінде 16,81%;
*Қарашығанақ жобасында 29,25%;
*Солтүстік Каспийде геологиялық барлау жұмыстары бойынша Исатай Оперейтинг Компани аясында 50%;
*Каспий құбыр консорциумында 2%.