Стратегия жарақаттанудың, өндірістегі жазатайым оқиғалардың және басқа да оқыс оқиғалардың алдын алуда жүйелі, бірдей тәсілді қамтамасыз етуге бағытталған. Құжат «Самұрық-Қазына» АҚ-ның барлық компаниялар тобындағы жағдайды екі жылға жуық зерделеудің нәтижесінде дайындалды.

Құжат бекітілгенге дейін көптеген аудиттерге және мұнай өндіруден бастап пошта байланысына дейінгі өндірістің әртүрлі салаларындағы кәсіпорындарда қабылданған тәсілдер мен әдістерді келісуге байланысты жұмыстар жүргізілді.

Қордың барлық портфельдік компаниялары және құрылымдық бөлімшелері құжатты келісіп, «Самұрық-Қазына» АҚ Еңбекті қорғау және өнеркәсіптік қауіпсіздік комитетінің мүшелерімен бірауыздан қабылданды. Қауіпсіздік мәдениетін арттыру; жабдықтармен пайдалану кезіндегі қауіпсіздік; төтенше жағдайлардың алдын алу; ақпараттық-түсіндіру жұмыстары деп аталатын төрт бағыттың әрқайсысы бойынша қызметтің түйінді көрсеткіштері қабылданды.

Стратегияға сәйкес 2028 жылға қарай барлық компаниялар тобы LTIF* жұмыс уақытын жоғалтумен жарақат алу коэффициентін 0,12-ге дейін төмендетуді жоспарлануда, бұл 2023 жылғы көрсеткіштен 14% төмендейді.

Стратегия алға қойылған мақсаттарға назар аударып, өндірістік қауіпсіздік жүйесін жетілдіру үшін қай бағытта қозғалыс жасау керек екенін нақты түсінуге көмектеседі.

* LTIF (жұмыс уақытын жоғалтып жарақат алу коэффициенті) - өндірістік жарақаттың ауырлық дәрежесі туралы қорытындысына сәйкес ауыр өндірістік жарақатқа жататын, еңбекке жарамсыздығы бойынша жазатайым оқиғалардан зардап шеккен компания қызметкерлерінің саны (оның ішінде қайтыс болғандар), жазатайым оқиғаларда еңбек ету қабілетінен айырылған зардап шеккен компания жұмысшылардың саны 1 миллион адам-сағатына көбейтіліп, есепті 12 ай жұмыс істеген адам-сағаттың жалпы санына бөлінеді.