Мемлекет басшысы Нұрсұлтан Назарбаев жыл сайынғы Қазақстан халқына арнаған Жолдауында қаржы секторын «қайта жаңғыртуды» тапсырды.

«Инвестициялық ахуалдың одан әрі жақсаруы және қор нарығының дамуы маңызды болып саналады. Бұл – жұмысын бастаған «Астана» халықаралық қаржы орталығының негізгі міндеттерінің бірі. Ол халықаралық озық тәжірибені пайдаланып, ағылшын құқығы мен заманауи қаржы технологияларын қолданатын өңірлік хабқа айналуға тиіс», - деп атап өтті Елбасы.

Бұл бағытта ҚР Президенті атап өткендей, «Самұрық-Қазына» ұлттық әл-ауқат қоры» ұлттық компанияларының акцияларын IPO-ға табысты түрде шығару қор нарығын дамытуға септігін тигізеді».