«Бұл, біріншіден, ағымдағы экономикалық жағдайға қарамастан «Самұрық-Қазына» АҚ-ның активтеріне бизнес тарапынан қызығушылықтың айтарлықтай жоғары екендігін көрсетеді», - деп атап өтті Қор қызметкерлері.

2015 жылдың алғашқы жартысында жалпы құны 20,9 млрд теңгеге тағы да 11 нысан жүзеге асырылды. Бұл активтер 20 млрд теңгені құраған бағалау құнынан 4,5%-ға қымбат сатылды. 

Естеріңізге салсақ, Елбасының тиісті тапсырмасын орындау аясында Қазақстан Республикасының Үкіметі «Самұрық-Қазына» АҚ-мен бірлесе отырып 2014-2016 жылдарға арналған Жекешелендірудің кешенді жоспарын әзірлеген болатын. 2015 жылы «Самұрық-Қазына» АҚ тобының шамамен 22 активін саудаға шығару жоспарланған. Бағдарламаны жүзеге асыру мемлекеттің ел экономикасына қатысуын қысқартып, ондағы жеке меншік сектордың үлесін арттыру арқылы оның негіздерін нығайтуға бағытталған.