Тараптар Қазақстандағы алғашқы гидроаккумуляциялық электр станциясын* салу жобасы аясындағы ықтимал ынтымақтастық мәселелерін талқылады. Наурыз айының басында ГАЭС салу үшін «Самұрық-Энерго» мен CWE тиісті келісімге қол қойған болатын.

Сондай-ақ, Нұрлан Жақыпов CRRC Group вице-президенті Ю Вэйпинмен кездесті.

China Railway Rolling Stock Corporation – әлемдегі ең ірі теміржол көлігін өндіруші компания. 2024 жылғы ақпанда «Самұрық-Қазына» және CRRC Corporation Limited өзара ынтымақтастық келісіміне қол қойды.

Бұдан бөлек, CRRC компаниясы ҚТЖ-мен жұмыс аясында Қазақстан аумағында теміржол жылжымалы құрамына сервистік қызмет көрсетуді ұйымдастырады деп жоспарлануда.

Кездесуде қор CRRC-мен ынтымақтастықты дамытуға мүдделі екендігін атап өтті.

*ГАЭС – электр жүктемесінің тәуліктегі біркелкі емес кестесін теңестіру үшін қолданылатын гидроэлектростанция