«Самұрық-Қазына» АҚ басқарма төрағасы Нұрлан Жақыпов Алматы ЖЭО-2-ні жаңарту жұмыстарының барысымен танысты.

Алматыға сапары аясында ол нысанды аралап, «Самұрық-Энерго» АҚ және «Алматы электр станциялары» АҚ басшыларымен жиналыс өткізді.

Алматы ЖЭО-2 қаланы электр энергиясымен және жылумен қамтамасыз етуде маңызды рөл атқарады.

Жақыпов жөндеу жұмыстарын белгіленген мерзімде аяқтап, дайындық паспорттарын алу қажеттігін айтты.

Және де ЖЭО-2 және ЖЭО-3 бойынша жұмыстарды кешіктіруге болмайтынын ескертті.

Алматы ЖЭО-ларын жаңарту шығарылатын зиянды заттарды азайтуға, сондай-ақ энергиямен сенімді әрі тиімді қамтамасыз етуге мүмкіндік береді.