Қазақстан Президентінің Мажарстанға сапары аясында «Самұрық-Қазына» Басқарма төрағасы Нұрлан Жақыпов ынтымақтастықты кеңейту мүмкіндіктерін талқылау үшін мажар компаниялары мен мемлекеттік ұйымдарының жетекші өкілдерімен бірқатар кездесулер өткізді.

Будапештте Н. Жақыпов National Capital Holding (NTH) басшысы Бенце Катонамен кездесті. Тараптар инвестициялар және серіктестікті дамыту үшін бағыттарды айқындады.

NTH – мемлекеттік инвестициялық қорларды басқаруды үйлестіретін мажар мемлекеттік ұйымы.

Тағы бір маңызды кездесу Мажарстанның жетекші энергетикалық өнім берушісі MVM Group-пен ынтымақтастық перспективаларын талқылау болды.

Компания басшысы Карой Матраимен «Самұрық-Қазына» төрағасы газ саласы мен атом энергетикасындағы әлеуетті жобаларды талқылады. MVM Group «Пакш» АЭС басқарады және Мажарстандағы энергиямен жабдықтаудың негізгі инфрақұрылымына жауап береді.

Мұнай-газ саласы да талқылаудың маңызды тақырыбына айналды. Н. Жақыпов мұнай-газ саласындағы ынтымақтастықты одан әрі талқылау үшін MOL Group атқарушы вице-президенті Джомбор Мартонмен кездесті.

Сондай-ақ Қор басшысы LAC Holding президенті және бас директоры Ласло Хорватпен келіссөздер жүргізді.

Сапар нәтижесінде бірқатар негізгі құжаттарға қол қойылды:

• инвестициялар мен серіктестікті дамытуға бағытталған «Самұрық-Қазына» мен National Capital Holding арасындағы ынтымақтастық туралы келісім;
• «ҚазМұнайГаз» ҰК мен MOL Group арасындағы мұнай-газ химиясы саласындағы ынтымақтастықты кеңейту және көмірсутектерін бірлесіп барлау мен өндіру туралы келісім;
• «Қазақстан темір жолы», LAC Holding және Xi 'an Free Trade Port арасындағы Мажарстанда интермодальдық жүк терминалын құру жөніндегі меморандум.

Бұл қадамдар Қазақстан мен Мажарстанның экономикалық байланыстарын нығайту стратегиясының маңызды бөлігі.

Фото: Ақорда баспасөз қызметі