«Самұрық-Қазына» қорының портфельдік компаниясы – «Қазпоштаның» ұйымдастыруымен елордада пошта саммиті өтіп жатыр. Оған YTO Express, CITIC Poly Fund сынды логистикалық компаниялармен қатар, JD.com, Aliexpress, Wildberries, Taobao және басқа да әлемдік жетекші маркетплейс өкілдері қатысуда.

«Ұлттық пошта операторы – Қазпошта елдегі пошта нарығын қалыптастыру мен дамытуда маңызды рөл атқарады. Бүгінгі саммит – пошта саласының даму перспективаларын талқылап, тәжірибе алмасуға, сондай-ақ трансшекаралық сауда мен логистика үшін бірлесіп инновациялық шешімдер іздеуге тамаша мүмкіндік», - деді Қор басшысы Нұрлан Жақыпов саммиттің ашылуында.

Қазақстан Қытайды, Орталық Азия мен ТМД елдерін байланыстыратын маңызды транзиттік хаб ретінде қарастырылады. Осылайша еліміз халықаралық логистикалық тізбекте маңызды рөл атқарады.