Қордың біріңғай қайырымдылық операторы – «Samruk-Kazyna Trust» ғимараттың дизайнерлік жұмыстарын қаржыландырып, заманауи жиһаз және құрал-жабдықтармен қамтамасыз етті.

«Оралда мұндай хабтың ашылуы – мемлекет, бизнес және креативті сектордың арасындағы бірлескен жұмыстың нәтижесі. «ОzgeEpic Oral» – республика бойынша ашылған үшінші креативті хабымыз», – деді «Самұрық-Қазына» қорының басқарушы директоры Ғибрат Ауғанов.

Алдағы жылдары креативті индустрия саласында 200 және анимация бойынша 10 маманды даярлау жоспарланып отыр. Соның нәтижесінде облыста алғашқы анимациялық студия ашылады.