Соңғы 7 жылда компаниялар тобында жарақат саны 43%-ға азайды. Мақсат – өндірістегі жарақатқа мүлдем жол бермеу.

«Самұрық-Қазына» тобында 255 мың адам жұмыс істейді, оның ішінде жұмысшы мамандар - 190 мыңды құрайды.

Қор Жұмысшы мамандықтары жылы аясында адами капиталды дамыту, жұмысшы мамандықтарын қолдау және жас мамандарды даярлау бойынша кешенді шараларды жүзеге асыруда.

«Биыл 4200-ден астам қызметкер «Бастау», «Өрлеу», «Көшбасшылар мектебі», «7 Qadam PRO/Мастер» бағдарламалары бойынша кәсіби біліктілігін арттырады. Шамамен 50 түлек жоғары білім алып, жұмысқа тұрды. Қазірдің өзінде Қор кәсіпорындарында 880-ден астам студент тәжірибеден өтуде», - деді «Қауіпсіз еңбек: жаңа сын-қатерлер мен цифрлық шешімдер» форумында «Самұрық-Қазына» басқарушы директоры Ғибрат Ауғанов.

Айта кетерлігі, «Қазатомпром» мамандары AtomSkills-2025 халықаралық чемпионатында 7 медаль жеңіп алды.

28 сәуір күні Дүниежүзілік еңбек қауіпсіздігі күні атап өтіледі.