Нұрлан Жақыпов Maire Tecnimont компаниясының бас атқарушы директоры Алессандро Бернинимен кездесті. Тараптар мұнай-газ химиясы саласындағы ынтымақтастық жөнінде талқылады. Maire Tecnimont мұнай-газ химиясы секторын дамыту бағытында серіктестікті кеңейтуге ниетті екенін растады.

Maire Tecnimont — инжиниринг және мұнай-газ, энергетика, химия салаларындағы өндірістік нысандарды салу бойынша әлемдегі жетекші компаниялардың бірі.

Кездесу Италия Министрлер Кеңесінің төрағасы Джорджа Мелонидің Қазақстанға сапары қарсаңында өтті. Сапар аясында аталған компаниямен келісімге қол қою жоспарланып отыр.