Тараптар инфрақұрылымдық жобалар бойынша серіктестіктің әлеуетін, сондай-ақ тұрақты даму мәселелері мен «Бір белдеу – бір жол» жаһандық бастамасы аясында бірлескен жұмыстарды атқару жайында талқылады.

«Елдің транзиттік әлеуетін дамыту және оны тұрақты энергетика мен өнеркәсіп жобаларымен біріктіру – Қор басымдықтарының бірі, әрі бұл бағытта Silk Road Fund-пен серіктестік орнатуға мүмкіндіктер көп», - деді Нұрлан Жақыпов.

Silk Road Fund — капиталы 40 млрд АҚШ долларын құрайтын мемлекеттік инвестициялық қор. Ол 2014 жылы Жаңа Жібек жолы бойындағы ірі инфрақұрылымдық жобаларды қолдау және Қытайдың көршілес елдермен, әсіресе Орталық Азиямен сауда байланыстарын нығайту мақсатында құрылған.