Ақтауда «ҚазМұнайГаз» АҚ тапсырмалары бойынша технологиялық сессия өтті. Нәтижесінде ҚР Ғылым және жоғары білім министрлігі желісі бойынша 3 млрд теңгеден астам сомаға мақсатты қаржыландыру бағдарламасына қатысу үшін ғылыми-техникалық жобалардың үш негізгі бағыты іріктеліп алынды.

Тақырыптар келесі міндеттерді қамтиды: мұнай қабаттарының өнім беруін арттыратын, ұңғымалар өнімінің сулануын азайтып, игерудің соңғы сатысындағы кен орындарында мұнай өндіру деңгейін тұрақтандыратын немесе арттыратын, суды дайындап, тазартатын, сондай-ақ жерүсті жабдықтарынан атмосфераға шығатын зиянды қалдықтарды азайтуға бағытталған технологияларды әзірлеу, бейімдеу және енгізу.

Жаңа технологияларды енгізу өндірілетін мұнай көлемін 8–10%-ға дейін ұлғайтуға, зиянды қалдықтарды азайтуға және өндірісті жаңғыртуға мүмкіндік береді. Бұл ресурстарды және қоршаған ортаны сақтауға көмектеседі.

Сондай-ақ «Өзенмұнайгаз» АҚ нысандарында көшпелі инновациялық технологиялық диагностика жүргізіліп, негізгі технологиялық келеңсіздіктер анықталып, оларды шешу жолдары ұсынылды.

Келесі қадам — бұл мәселелер 2025 жылы Үкімет деңгейінде қарастырылуы тиіс.