Қорда «ҚазМұнайГаз» АҚ Директорлар кеңесі мүшелерінің және жаһандық энергетика саласындағы халықаралық сарапшылардың, атап айтқанда, S&P Global вице-президенті Боб Фриклунд пен серіктесі Rystad Energy компаниясының Лондондағы кеңсесінің директоры Саймон Шьотунның қатысуымен стратегиялық сессия өтті.

Сессия жұмысына «ҚазМұнайГаз» АҚ Директорлар кеңесінің төрағасы Нұрлан Жақыпов жетекшілік етті.

Іс-шара барысында саладағы жаһандық үрдістер, Қазақстандағы мұнай-газ химиясы саласының дамуы, қол жеткізілген нәтижелер, сондай-ақ ҚМГ жұмысының тиімділігі мен тұрақтылығын арттыруға арналған технологиялар, оның ішінде жасанды интеллект талқыланды.

«ҚазМұнайГаз» — Қор портфеліндегі негізгі активтердің бірі (Қор активтері құнының 46%-ын құрайды). 2024 жылы ҚМГ компаниялары тобы Қазақстанда өндірілетін мұнайдың 27%-ын, тасымалдаудың 57%-ын және өңдеудің 80%-ын қамтамасыз етті.