«Самұрық-Қазына» АҚ басқарма төрағасы Нұрлан Жақыпов жұмыс сапарымен Өскемендегі «Kazzinc» ЖШС-нің өндірістік нысандарын аралады. 

Ол мырыш, қорғасын және мыс шығаратын цех жұмысымен танысып, компания басшылығымен алдағы жоспарларды талқылады.

«Kazzinc» – «Самұрық-Қазынаның» стратегиялық активі. Соңғы жылдардағы теріс динамика өзгеріп, 2024 жыл табысты аяқталғанына қуаныштымын», – деді Нұрлан Жақыпов.

«Kazzinc» – мырышпен қатар, мыс, бағалы металдар мен қорғасын өндіретін интеграцияланған ірі кәсіпорын. 

Қордың портфельдік компаниясы – «Тау-Кен Самұрық» АҚ 2013 жылдан бері «Kazzinc» компаниясының 29,82%-ына иелік етеді. Ал мажоритарлық үлесі Швейцарияның «Glencore» компаниясына тиесілі.