Тараптар компанияның Констанца қаласы маңындағы негізгі нысандарын аралап көрді. Сондай-ақ, кездесуде өндірістік көрсеткіштер мен даму жоспарлары талқыланды.

KMG International — «ҚазМұнайГаз» компаниясының еншілес ұйымы. Ол Румыниядағы екі ірі мұнай өңдеу зауыты – Petromidia және Vega, сондай-ақ полимер өнімдерін шығаратын мұнай-химия кешенін басқарады.

Rompetrol акцияларының 54,63%-ы KMG International компаниясына тиесілі. Rompetrol – 12 елде жұмыс істейтін ірі энергетикалық компания.

Бұған дейін KMG International құрамындағы Petromidia мұнай өңдеу зауытында мамырда төмен тығыздықтағы полиэтилен (LDPE) өндіру қондырғысы қайта іске қосылғаны айтылды.