6 шілдеде Cassa Depositi e Prestiti (CDP) ұйымы Италияның Астанадағы елшілігімен, Италияның сауда агенттігі (ITA) және басқа да серіктестермен бірлесіп ұйымдастырған «Italy meets Kazakhstan. Италия және Қазақстан компанияларын біріктіретін шара» атты іс-шара өтті.

Оған екі елдің жетекші компаниялары мен іскерлік қауымдастықтарының, сондай-ақ экономикалық ынтымақтастықты нығайтуға және өзара іс-қимылдың жаңа бағыттарын іздеуге мүдделі қос тараптың мемлекеттік құрылым өкілдері қатысты.

Іс-шараның негізгі тақырыбы: энергетика, өнеркәсіп, инфрақұрылым және технологиялар сияқты негізгі салалардағы сауда мен инвестицияны кеңейту перспективалары.

«Самұрық-Қазына» АҚ басқарушы директоры Салтанат Сәтжан шарада сөз сөйледі. Ол экономиканың басым бағыттарындағы Қазақстан мен Италия арасындағы ынтымақтастықтың тереңдігі мен әртүрлілігі жоғары сенім деңгейін, өзара құрмет пен ортақ дамуға деген ұмтылысты білдіретінін атап өтті.

Сондай-ақ, Салтанат Сәтжан «Самұрық-Қазына» қорының Eni, Ansaldo Energia және Maire Tecnimont сынды Италияның жетекші компанияларымен сәтті серіктестік орнатқанына тоқталып, олардың Қазақстан экономикасының маңызды салаларын дамытуға қосып жатқан елеулі үлесін атап өтті.