«Самұрық-Қазына» құрамасы жүзуден Masters санатында Қазақстанның VII ашық чемпионатында 27 медаль: 16 алтын, 6 күміс, 5 қола жеңіп алды. Қор басшысы Нұрлан Жақыпов құрама команданы тамаша нәтижелерімен құттықтады.

«Сіздердің жеңістеріңіз – бұл тынымсыз дайындықтың, тәртіп пен жеңіске деген ұмтылыстың нәтижесі. «Самұрық-Қазына» қоры салауатты өмір салтын, белсенді ұзақ өмір сүруді және корпоративтік спортты үнемі қолдайды», – деді ол.

«Samruk Swim Team» сапында өнер көрсеткен қызметкерлер: Вадим Трубачев – «KEGOC» АҚ, Сағат Қабиев, Әнел Жеңісқызы және Константин Лимаренко – «Қазақстан темір жолы» АҚ, Ирина Филяева және Игорь Сорокин – «ҚазМұнайГаз» АҚ, Мадияр Абдразақов – «Қазақтелеком» АҚ, Салтанат Түзелбаева – «Қазатомөнеркәсіп» АҚ, Айжан Бексұлтанова – «QazaqGaz» АҚ.

Турнир қорытындысы бойынша команда үшінші орынға табан тіреді.