«Самұрық-Қазына» басшысы Нұрлан Жақыпов China Huadian Overseas Investment директорлар кеңесінің төрағасы Цю Тяньгенмен кездесті.

Тараптар электр энергетикасы саласындағы серіктестік перспективаларын талқылады. «Қорды компанияның электр станцияларында және көмір кеніштерінде сәтті қолданылып жүрген тәжірибелік кейстер және технологиялармен алмасу қызықтырады», - деді Жақыпов.

Huadian Overseas – Қытайдың China Huadian Corporation мемлекеттік корпорациясының еншілес ұйымы.

China Huadian – Қытайдағы ең ірі мемлекеттік энергетикалық компанияларының бірі, ол электр және жылу өндіру мен жеткізумен, сондай-ақ жаңартылатын энергетика саласындағы жобаларды дамытумен айналысады/