Ақордада Әзербайжан президентінің Қазақстанға сапары аясында Қазақстан-Әзербайжан инвестициялық қоры (SK-AIH) мен Әзербайжанның SOCAR мемлекеттік мұнай-газ компаниясы арасында негіздемелік келісімге қол қойылды.

SK-AIH – «Самұрық-Қазына» АҚ мен Әзербайжан инвестициялық холдингінің ортақ инвестициялық қоры. Мақсаты – екі ел экономикасының түрлі секторларына инвестиция тарту және бірлескен жобаларды жүзеге асыру.

Қол қойылған келісім аясында тараптар энергетика саласындағы, соның ішінде жаңартылатын энергия көздері мен энергия тиімділігі бағыттарындағы бірлескен жобалар портфелін айқындауды жоспарлап отыр. SK-AIH қоры миноритарлық акционер ретінде қатысады.

Аталған серіктестік жасыл экономиканы дамыту және Қазақстан мен Әзербайжан арасындағы инвестициялық байланыстарды кеңейту үшін жаңа мүмкіндіктер ашады