Жобаны Мемлекет басшысының тапсырмасы бойынша QazaqGaz ұлттық компаниясы жүзеге асырды. Мақсаты – өңірдің газ тасымалдау инфрақұрылымын дамыту және тұрғындарды табиғи газбен қамтамасыз ету.

Ұзындығы 302 км болатын газ құбыры мен 6 автоматтандырылған газ тарату станциясы жоспарлы мерзімінен 1 жыл 4 ай бұрын салынды.

Магистральға газ толтырылып, қысым берілді. Келесі кезеңде облыс әкімдігі тарату желілерінің құрылысын бастайды. Бұл өз кезегінде 134 мыңнан астам тұрғыны бар 84 елді мекенге газ жеткізуге мүмкіндік береді.