Қазақстан Республикасы Президентінің Жапонияға ресми сапары аясында «Самұрық-Қазына» тобының компаниялары мен жапондық серіктес ұйымдар арасында энергетика, қаржы, экология, көлік, тау-кен өндірісі және цифрландыру салаларын қамтитын бірқатар стратегиялық маңызды келісімдерге қол қойылды.

•  Marubeni Corporation компаниясымен серіктестік туралы келісім.

•  Aktas Energy («Самұрық-Қазына» мен TotalEnergies-тің бірлескен кәсіпорны) мен Marubeni компаниясы арасында көміртегі кредиттерін шығару, верификациялау және іске асыру жөніндегі негіздемелік келісім.

•   «Самұрық-Энерго» АҚ мен Mitsubishi Heavy Industries арасында ауа сапасын бақылаудың «таза» технологияларын енгізу жөніндегі стратегиялық серіктестік туралы келісім.

•   Жобаларды қаржыландыру бойынша MUFG Bank-пен ынтымақтастық туралы меморандум.

•   Цифрлық технологияларды енгізу бойынша KEGOC пен Hitachi Energy арасындағы стратегиялық әріптестік туралы негіздемелік келісім.

•   Қоймаларды басқару бизнес-процестерін автоматтандыру және электрондық коммерцияны дамыту бойынша «Қазпошта» АҚ мен Toshiba Corporation арасындағы ниеттестік туралы келісім.

•   «Қазатомөнеркәсіп» АҚ мен Kansai Electric арасындағы серіктестік туралы құжат.

•   Қазақстан Республикасының тау-кен саласында «Тау-Кен Самұрық» АҚ мен JOGMEC арасындағы серіктестік туралы меморандум.

•   Қазақстанның темір жолдарын жел мен қардан қорғау бойынша шешімдер әзірлеу жөнінде «ҚТЖ» АҚ мен RIKEN KOGYO Inc. арасындағы серіктестік туралы меморандум.