Кездесу барысында тараптар Guodong ұйымы мен қордың портфельдік компаниясы — «Қазақтелеком» АҚ арасындағы серіктестік жоспарларын және телекоммуникациялар мен цифрлық инфрақұрылым саласында бірлесіп жұмыс істеудің ықтимал бағыттарын талқылады.

Guodong Network Communication Group — телекоммуникациялық және цифрлық желілерді дамытумен, сондай-ақ байланыс саласындағы инфрақұрылымдық шешімдермен айналысатын Қытайдың ірі компаниясы.

50 000-нан астам телекоммуникациялық мұнарасы бар Guodong әлемде мұнара саны жағынан 8-орын (тәуелсіз операторлар арасында 4-орын) алады. Компания 2024 және 2025 жылдары Қытайдың Цзянсу провинциясында «жалғыз мүйіз» кәсіпорын ретінде танылды.