Астанада «Самұрық-Қазына» қорының қолдауымен балалар мен жастарға арналған робот техникасы, жасанды интеллект және STEM бағытындағы халықаралық Alem Tech Fest 2026 фестивалі аяқталды.

Шара Қазақстан, Қырғызстан, Өзбекстан, Түрікменстан, Эстония, Вьетнам, Қытайдан келген 5 000-нан астам қатысушыны біріктіріп, дрондар мен роботтардан бастап зымыран жасау және жасанды интеллект саласындағы перспективалы туындыларды көрсету мен тәжірибе алмасу алаңына айналды.

Фестиваль барысында «Самұрық-Қазына» басшысы Нұрлан Жақыпов командалардың инженерлік дайындығы жоғары деңгейде екенін және ұсынылған технологиялық шешімдердің іс жүзінде маңызы зор екенін атап өтті.

Alem Tech Fest 2026 қорытындысы бойынша Нұрлан Жақыпов жеңімпаздарға Хьюстонда (АҚШ) өтетін әлемдік FIRST Championship финалына қатысу сертификаттарын табыстады.