Қордың портфельдік компаниясы Қазақстан Республикасының ұлттық пошта байланысы операторы болып табылады. Ол елдің барлық аумағында, соның ішінде шалғайдағы және ауылдық елді мекендерде халық пен бизнес үшін пошта қызметтерінің қолжетімділігін қамтамасыз ете отырып, маңызды әлеуметтік-экономикалық функцияларды атқарады.

Бүгінгі таңда «Қазпошта» құрамына 2,5 мыңға жуық пошта бөлімшесі кіреді, ал жұмыскерлер саны шамамен 17 мың адамды құрайды.

Компания пошта жөнелтілімдерінің қомақты көлемін өңдеуді жүзеге асырады: 2025 жылдың қорытындысы бойынша халықаралық пошта алмасуы 51%-ға (8,9 млн жөнелтілімге дейін), ішкі пошта жөнелтілімдерінің көлемі 6%-ға (10 млн-ға дейін), ал көрсетілген мемлекеттік қызметтер саны 67%-ға (35 мыңға дейін) артты.