Қор басшысы Нұрлан Жақыпов Energy China Overseas Investment директорлар кеңесінің төрағасы Лин Сяоданмен кездесті.

Тараптар серіктестік перспективаларын және «Самұрық-Қазына» тобы мен Energy China арасындағы жаңартылатын энергетика саласындағы бірлескен жобалардың іске асырылу барысын талқылады.

Атап айтқанда, қор мен қытайлық компания Түркістан облысында қуаты 300 МВт күн электр станциясын және Қарағанды облысында қуаты 500 МВт жел электр станциясын салуда.

Energy China – көмір өндірісі, жылу және жел энергетикасы, көмірді қайта өңдеу және су шаруашылығы салаларында қызмет ететін әлемдегі ірі компаниялардың бірі.