Тараптар іске асырылып жатқан жобалардың барысын талқылады. Tecnimont компаниясы Теңіздегі газсепарациялық кешен (ГСК), сондай-ақ Атырау облысындағы «Полиэтилен» жобасының полимеризация қондырғысы мен зауыттың жалпы шаруашылық нысандарын салу бойынша екі ірі газ-химия жобасына EPC-мердігер ретінде қатысады.

Кездесу барысында тараптар Қазақстанның өнеркәсіп секторына техникалық кадрлар даярлауға бағытталған Jaryq Academy бағдарламасын іске асыру, сондай-ақ елде Tecnimont инженерлік орталығын құру мәселелерін де талқылады.

Maire Tecnimont - мұнай-газ, энергетика және химия салаларында өндірістік нысандарды инженерлік құрастыру және салу бойынша әлемдік көшбасшы ұйымдардың бірі.