Кездесуге сондай-ақ China Harbour Engineering Company (CHEC) және China International Water & Electric Corporation (CWE) еншілес компанияларының өкілдері қатысты.

Тараптар көлік, порт және энергетикалық инфрақұрылым салаларындағы ынтымақтастықты кеңейту перспективаларын, сондай-ақ Қазақстандағы бірлескен инвестициялық жобаларды іске асыру мәселелерін талқылады.

Тараптар бірлескен инфрақұрылымдық жобаларды жүзеге асырудағы нәтижелі серіктестікті атап өтті. Атап айтқанда, Бақты – Аягөз теміржол желісінің құрылысы және Ақтау портында теңіз түбін тереңдету жұмыстары жүзеге асырылып жатыр. Бұған дейін CWE Қазақстанда Мойнақ су электр станциясының құрылысы кезінде EPC-мердігері болған.

Кездесу қорытындысы бойынша «Самұрық-Қазына» АҚ мен China Communications Construction Company Limited арасында Қазақстанда теңіз түбін тереңдету жұмыстарын жүргізу саласындағы ынтымақтастық туралы негіздемелік келісімге, сондай-ақ «Самұрық-Энерго» АҚ мен China International Water & Electric Corporation (CWE) арасында гидроаккумуляциялық электр станциясын салу жобасын бірлесіп әзірлеу туралы келісімге (Joint Development Agreement) қол қойылды.

China Communications Construction Company (CCCC) – Қытайдың мемлекеттік компаниясы. Инженерлік-құрылыс қызметтері саласындағы әлемдік мердігерлер арасында 4-орында тұр.