Тараптар энергетика саласындағы бірлескен жобаларды іске асыру және стратегиялық серіктестікті нығайту мәселелерін талқылады.

Бүгінде серіктестік бірнеше бағыт бойынша дамуда:

• Алматы ЖЭО-2-ні табиғи газға көшіру – еліміздегі ең ірі экологиялық жобалардың бірі;

• Шелек дәлізіндегі жел электр станциясын қоса алғанда, жаңартылатын энергетиканы дамыту;

• дамып жатқан мұнай-газ-химия кластерін электр энергиясымен қамтамасыз ету мақсатында Қарабатан алаңында бу-газ электр станциясының қосымша энергия блогын салу және басқа да жобалар.

Кездесу қорытындысы бойынша «Samruk-Kazyna Ondeu» ЖШС мен POWERCHINA SEPCO1 арасында Қарабатан алаңында бу-газ электр станциясын салу жөніндегі EPC+F-келісімшартына қол қойылды.

Бірлескен жобалар Қазақстанның энергетикалық инфрақұрылымын жаңғыртуға, «жасыл» энергетиканы дамытуға және елдің энергетикалық қауіпсіздігін нығайтуға бағытталған.

Power China – Қытайдың ең ірі мемлекеттік корпорацияларының бірі. Гидроэнергетика және жаңартылатын энергия көздері саласындағы әлемдік көшбасшы.