«Самұрық-Қазына» АҚ (бұдан былай — Қор) басқарма төрағасы Өмірзақ Шөкеев бүгін 2017 жылдың 31 шілдесінде өкілеттік мерзімі аяқталған «ҚазМұнайГаз» Ұлттық Компаниясы» АҚ (бұдан былай – ҚМГ ҰК) Директорлар кеңесінің мүшелері Фрэнк Куйлаарс және Питер Лейнмен кездесті. ҚМГ ҰК Директорлар кеңесінде Ф. Куйлаарс - төраға, Питер Лейн – Аудит комитетінің төрағасы қызметтерін атқарған.
Қордың Басқарма төрағасы Өмірзақ Шөкеев Ф.Куйлаарс пен П.Лейнге кәсіби біліктіліктері мен ҚМГ ҰК компаниясында корпоративтік басқару стандарттарын дамытуға қосқан үлестері үшін ризашылығын білдірді.
Қор басшысы Трансформация бағдарламасы және компанияға білікті мамандарды тартуға мүмкіндік туғызған job matching процедурасын жүзеге асырудағы Директорлар кеңесі мүшелерінің ролін ерекше атап өтті. Ө. Шөкеев, сонымен қатар, Ф.Куйлаарс және П.Лейнмен бұдан былай да ынтықмақтастықты жалғастыратынына үміт білдірді.

Бұған дейін хабарланғандай, Қор Басқармасы 2017 жылдың 29 маусымында ҚМГ ҰК Директорлар кеңесінің төмендегідей құрамын бекітті:

• Кристофер Уолтон, төраға және тәуелсіз директор
• Сауат Мыңбаев, басқарма төрағасы
• Стивен Уайт, тәуелсіз директор
• Ерлан Баймұратов, тәуелсіз директор
• Балжит Каур Гревал, Директорлар кеңесінің мүшесі, Қор өкілі
• Берік Бейсенғалиев, Директорлар кеңесінің мүшесі, Қор өкілі
• Ұзақбай Қарабалин, Директорлар кеңесінің мүшесі, Қор өкілі