abctv.kz  сауалдарына «ҚазМұнайГаз» ҰК» АҚ корпоративтік орталықты басқару жөніндегі басқарма төрағасының орынбасары Дәнияр Берлібаев жауап берді.

- Дәнияр Әмірұлы,  «ҚазМұнайГаз» «ҚМГ-Сервис Грузия» компаниясын, нақтырақ айтсақ, Боржомидегі Rixos бес жұлдызды қонақ үйін саудаға шығарды. Қазір бұл қазақстандықтар үшін де, Грузия азаматтары үшін де кең танылған демалыс орны ғоой.  

- Ия, ол 64 компания енген № 2 тізімде. Біз өзімізге тиесілі барлық салалық емес емдеу-демалыс активтерін сатуды жоспарлап отырмыз. Біздің міндет – Upstream-ға көбірек көңіл бөлу.
Алайда дәл қазір бізге нысанды бағалау қажет. Ол сол күйінде, яғни ешбір жаңғыртусыз сатылады. Негізі бұл демалыс орны жұмыс істеп тұр. Қонақ үй  лық толы. Қазақстандықтар мен жергілікті халықтың арасында да кеңінен танылған. Оны жақсы инвестор сатып алса, қуанар едік.
Айта кеткен жөн, «ҚМГ-Сервис Грузия» ЖШҚ 100% қатысу үлесімен электронды тендерге шығарылды. Бастапқы бағасы – 11,6 млрд теңге. Жобаға құйылған инвестициялардың жалпы көлемі – 38,5 млн доллар. Екі жақтың да үлесі 50%-ды құрайды. Еске түсірсек, ҚМГ еншілес компаниясы - «ҚазМұнайГаз-Сервис» Боржомидегі сауықтыру кешенін 2006 жылы сатып алған болатын. Ол қайта жөндеуден кейін 2012 жылы ашылуы тиіс еді. Әу баста төртжұлдызды қонақ-үй-санаторий болады деп жоспарланған. Бірақ 2011 жылы бесжұлдызды Rixos қонақ үйін салу  жөнінде шешім қабылданды.  Сөйтіп санаторий сән-салтанаты келіскен мейманханаға айналды.

- ҚМГ-ның Грузиядағы тағы бір меншігі – Қара теңіздегі Батуми терминалы сатылады деген сөз шыққан. Оған қатысты ақырғы шешім қандай?

- Батуми терминалы сатылатын компаниялар тізімінде жоқ. Ол – біздің стратегиялық нысан, біз оны өзімізде қалдырамыз.

abctv.kz