«Самұрық-Қазына» АҚ компаниялар тобында қызметкерлерді коронавирустық инфекциядан вакцинациялау науқаны қарқын алып жатыр. 6 мамырда Қордың Нұр-сұлтан қаласындағы корпоративтік орталықта (КО) елордалық Денсаулық сақтау басқармасының қолдауымен вакцинация пунктінің жұмысы ұйымдастырылды. Барлық қызметкерлермен бірге вакциналардың 1 компонентін топ-менеджерлер алды.

Топтың портфельдік компаниялары арасында #мен екпе алдым #Я_вакцинировался акциясы іске қосылды, әлеуметтік желілерде және веб-ресурстарда тарату үшін бейнеролик жазылды. Акцияға алғашқылардың бірі болып «Самұрық-Қазына» АҚ Басқарма Төрағасы, басқарушы директорлар мен қызметкерлер қосылды.

Қазіргі уақытта КО қызметкерлерінің 40% - ға жуығы коронавирустық инфекциядан вакцинацияланды. Ұжымдық иммунитетке қол жеткізу үшін вакцинацияланғандардың санын 60% - ға дейін жеткізу талап етіледі. Вакцина алудың бірқатар артықшылықтары бар, олар кеңсеге жұмысқа оралу, спорттық және мәдени іс-шараларға қатысу, ПЦР тестілеусіз саяхаттау мүмкіндігін алады.

«Самұрық-Қазына» қоры ҚР Президентінің тапсырмасы бойынша вакциналау жөніндегі жалпыұлттық науқанға үлес қосты. Ағымдағы жылдың сәуір айында Hayat-Vax вакцинасының 1 миллион дозасын сатып алу қаржыландырылды. ҚР Денсаулық сақтау министрлігінің келісімі бойынша Қазақстан бойынша 250 мың доза Қор компаниялары тобының қызметкерлері үшін, қалған 750 мың доза - барлық ниет білдірген азаматтарға бөлінген.

2 компоненттік белсенділігі жойылған hayat-Vax вакцинасы Sinopharm лизенциясы бойынша БАӘ-де жасалған және Парсы шығанағы, ҚХР, Латын Америкасының бірқатар мемлекеттері үшін негіз болып табылады. Қолданыстағы тәжірибеге (50 миллионнан астам доза сатылды) және аралық вакцинация нәтижелеріне сүйене отырып, Hayat-Vax Сovid-19 инфекциясына қарсы 79,3% және 100% тиімділікке ие, орташа және ауыр жағдайлардың алдын алады. Бұл 18 жастан асқан адамдарға, әсіресе қарт адамдарға және созылмалы аурулардан зардап шегетіндерге, олардың өршуі болмаған кезде көрсетіледі.

Қазіргі уақытта Қазақстанда сәйкестік сертификаты отандық QazVac, ресейлік Спутник-V және hayat-Vax (БАӘ) бар.