Қазақстан Республикасының ресми делегациясының құрамында «Самұрық-Қазына» АҚ басшылығы Оңтүстік Кореяға барды.

Бүгін Сеулде Қазақстан Президенті Қасым-Жомарт Тоқаевтың Оңтүстік Корея Президенті Мун Чжэ Инның шақыруымен мемлекеттік сапары аясында жоғары деңгейдегі келіссөздер өтті. Екі мемлекет басшылары қазақ-кәріс стратегиялық ынтымақтастығын одан әрі дамытудың кең ауқымды мәселелерін талқылады. 

Келіссөздер нәтижесінде бірқатар екіжақты құжаттарға, соның ішінде «Самұрық-Қазына» АҚ мен Кореяның халықаралық сауда қауымдастығы (КІТА) арасындағы ынтымақтастық туралы Меморандумға қол қойылды. 

Басқарма Төрағасы Алмасадам Сәтқалиев KITA (Korean International Trade Associateion) Қауымдастығының Қазақстан-Корея іскерлік Кеңесінің құрамына кіруі қазақстандық және оңтүстіккореялық бизнес-қоғамдастықтарының серіктестігіне тың серпіліс бергенін атап өтті.  

Сонымен қатар, Қор басшылығы KITA төрағасы Кристофер Ку мырзаны сапардық іскерлік бағдарламасын ұйымдастырғаны үшін алғыс білдірді. Оның аясында қазақстандық компаниялар мен Корея Республикасының корпорациялары өзара коммерциялық келісім-шарттарды бекітеді. 

Бұдан бөлек, тараптар тұрақты дамудың жаһандық басымдығын ескере отырып, энергетика, мұнайгаз, тау-кен салалары мен атом өнеркәсібі, ІТ-шешімдер, байланыс пен телекоммуникациялар және басқа да бағыттардағы ынтымақтастықтың болашақ кескінін айқындап алды.