Лондонда Қазақстан-Британия іскерлік кеңесінің отырысы өтті

Лондонда Қазақстан-Британия іскерлік кеңесінің отырысы өтті

637

28 Қазан 2021

Бұл құрылымға "Самұрық-Қазына" Қорының басшысы Алмасадам Сәтқалиев пен Ұлыбританияның Қазақстандағы Сауда елшісі баронесса Эмма Николсон тең-төрағалық етеді .  

Отырыстың басында "Самұрық-Қазына" АҚ мен " ARQ" компаниясы арасындағы ынтымақтастық туралы Меморандумға қол қойылды. " ARQ" басшысы Джулиана МакИнтайер мәлімдегеніндей, британдық инвесторлар Қазақстан аумағында көмір өндіру қалдықтарын қайта өңдейтін кәсіпорын құрылысын жүргізуге қызығушылық танытып отыр. Одан отын ұнтағын жасап, мұнай өнімдерімен араластырып, нәтижесінде үлкен кемелерге арналған экологиялық таза отын алынбақ. " ARQ" компаниясы мұндай өнімдерінің 100% көлемін халықаралық нарықтарда сатуға ірі сауда желісімен келісім-шартқа отырған.  

Қазақстан-Британия іскерлік кеңесінің бұл жолғы отырысы Қазақстан Республикасы Тәуелсіздігінің 30 жылдығына арналып ұйымдастырылған және "дөңгелек үстел" форматында өткізілді. Шараға қазақстандық және британдық іскерлік қоғамдастықтың өкілдері және халықаралық инвесторлар қатысты. Біріккен Ұлттар Ұйымының климаттың өзгеруіне арналған COP26 Конференциясы қарсаңында, отырыста қаралған басты тақырыптардың бірі - тұрақты даму мен 2060 жылға дейін көміртек бейтараптығына қол жеткізу мәселесі.